Samsung Galaxy S25 uchun MPP-simsiz zaryadlash nima

Zamonaviy smartfonlar kun sayin qulaylashib bormoqda va simsiz zaryadlash ularning asosiy funksiyalaridan biri. Galaxy S25 Series qurilmalarida MPP texnologiyasini qo'llab-quvvatlash imkoniyati taqdim etildi. Keling, uning qanday ishlashi, boshqa texnologiyalardan farqi hamda nimalarga e'tibor qaratish kerakligi haqida bilib olamiz. 

MPP (Magnetic Power Profile) — bu telefonning hamda zaryadlash qurilmasining quvvat elementlarini aniq ulash uchun magnitdan foydalanuvchi simsiz zaryadlash texnologiyasi. Uning ishlashi uchun smartfonni zaryadlash qurilmasiga mustahkam o'rnatishga yordam beruvchi magnitli g'ilof yoki plastina talab etiladi. 

Mazkur aksessuarlarsiz telefon zaryad olmaydi yoki zaryadlash barqaror bo'lmaydi. Bu zaryadlash tizimi qurilmani aniqlay olmasligi va barqaror ulanishni ta'minlamasligiga bog'liq bo'lishi mumkin. 

Yangi Galaxy S25 Series qurilmalarida MPP texnologiyasini qo'llab-quvvatlovchi yangilangan Qi 2.1 standarti mavjud. Buning natijasida:

• Zaryadlash barqarorlashdi
• Qurilma magnitga mustahkam o'rnatiladi
• Zaryadlashdagi uzilish xavfi kamaydi

MPP va MagSafe® o'xshash prinsiplar asosida ishlaydi, ammo muhim farq mavjud:

• MagSafe® — Apple qurilmalari uchun mo'ljallangan Apple patentlangan texnologiyasi.
• MPP — Qi 2.0 va undan yangi versiyani qo'llab-quvvatlovchi zaryadlash qurilmalari uchun mos ochiq standart

Agarda Samsung Galaxy S25 smartfonini MagSafe® yordamida zaryadlashga urinib ko'rsangiz, muammolar yuzaga kelishi mumkin:

• Sekin zaryadlash,
• Jarayondagi uzilishlar,
• Barqaror bo'lmagan ulanish

Shu sababli zaryadlash qurilmasini tanlashda u Qi 2.0 (yoki yangi) va MPP qo'llab-quvvatlashiga ishonch hosil qiling.
Sertifikatlashdan o'tgan mahsulotlarga Qi2 logotipi tushiriladi.

Agarda magnitli g'ilof bilan birgalikda ham telefon barqaror zaryad olmasa. Bu magnitlarning noto'g'ri joylashganligi bilan bog'liq bo'lishi mumkin. Ular telefonning ichki zaryadlash qismiga mos tushishi kerak. 

Qanday qilib muammolarni oldini olish mumkin?

• Zaryadlash qurilmasi Qi 2.0 yoki undan yangi versiyani qo'llab-quvvatlashiga ishonch hosil qiling
• Samsung original aksessuarlari yoki SMAPP sertfikatiga ega mahsulotlardan foydalaning (Samsung Mobile Accessory Partnership Program). 
  SMAPP mahsulotlarining qadog'ida logotipi tushirilgan.