Samsung Galaxy-nin operativ yaddaşını necə təmizləmək olar
Operativ yaddaş (və ya OYQ - operativ yaddaş qurğusu) smartfonun məhsuldar və sürətlə işləməsinə cavabdehdir. Çoxtapşırıq rejimində işləmək üçün OYQ tətbiqlərin və Android əməliyyat sisteminin məlumatlarını yadda saxlayır.
Operativ yaddaş dolanda tətbiqlər yavaş işləyə və hətta dona bilərlər. Buna yol verməmək üçün müntəzəm olaraq OYQ-ni boşaldın və fonda olan tətbiqlərin işinə son. verin. Bunu necə etmək barədə məlumat almaq üçün aşağıdakı tövsiyələri oxuyun.
Smartfonun operativ yaddaşını necə təmizləmək olar
Samsung Galaxy-nin operativ yaddaşını kənar tətbiqlər və servislər quraşdırmadan təmizləmək olar. Bunun üçün Cihaza xidmət funksiyasından istifadə edin.
1-ci addım. Tənzimləmələri açın və Cihaza xidmət bölməsinə keçin.
2-ci addım. Yaddaş (RAM) menyusunu açın.
3-ci addım. Təmizlə düyməsini sıxın.
Bağlamaq istəmədiyiniz lazımlı tətbiqləri istisnalar siyahısına əlavə edə bilərsiniz, belə etdikdə bu tətbiqlərin fon prosesləri operativ yaddaş təmizlənərkən dayanmayacaqlar.
1-ci addım. Tənzimləmələri açın və Cihaza xidmət bölməsinə keçin.
2-ci addım. Yaddaş bölməsini açın.
3-ci addım. İstisnalar siyahısına keçin.
4-ci addım. İstisnalar siyahısına əlavə etmək istədiyiniz tətbiqləri seçin və Əlavə et düyməsini sıxın.
Smartfonun operativ yaddaşını əsas ekrandan necə təmizləmək olar
Cihazınızın operativ yaddaşının təmizlənməsinə sürətli giriş əldə etmək üçün əsas ekrana vidjet əlavə edin.
1-ci addım. Əsas ekranın boş bir sahəsinə basıb saxlayın.
2-ci addım. Vidjetlər sıxın.
3-ci addım. Siyahıdan Cihaza qulluq kateqoriyasını tapın və Optimallaşdırma və ya Saxlanc və optimallaşdırma vidjetini seçin.
Vidjet telefonun əsas ekranında görünəcək. Artıq siz işarəyə vurmaqla operativ yaddaşda olan bütün fon proseslərini asanlıqla bitirə biləcəksiniz.
Smartfonun virtual yaddaşını "RAM Plus" funksiyası ilə necə artırmaq olar
"RAM Plus" funksiyası operativ yaddaşın həcmini artırmaq üçün daimi yaddaşdan (daxili saxlancdan) yaddaşın bir hissəsini götürür.
"RAM Plus" funksiyasını aktiv etmək üçün aşağıdakı hərəkətləri edin:
Qeyd:
Funksiya bütün cihazlarda dəstəklənmir. Funksiyanın mövcudluğunu Samsung Galaxy-nin konkret modelinin istifadəçi təlimatında dəqiqləşdirmək olar.
1-ci addım. Tənzimləmələri açın və Cihaza xidmət bölməsinə keçin.
2-ci addım. Yaddaş bölməsini açın.
3-ci addım. RAM Plus-a keçin.
4-ci addım. Funksiyanı aktivləşdirmək üçün dəyişdiriciyə vurun.
5-ci addım. Funksiyanı aktivləşdirmək üçün cihazı yenidən başlatmaq lazım gələcək. Yenidən başlat düyməsini sıxın.
Bəzi modellərdə vitual yaddaş üçün rezerv ediləcək saxlanc həcmini seçmək mümkündür: 2 GB, 4 GB, 6 GB və ya 8 GB.
Əgər həcmi seçmək mümkün deyilsə, "RAM Plus" funksiyası işə salındıqda smartfon effektiv iş üçün ehtiyac olan optimal operativ yaddaş həcmini avtomatik olaraq tənzimləyəcək.
Şərhiniz üçün təşəkkür edirik!
Bütün sualları cavablandırın.