Samsung Galaxy-də ekran rejimini necə dəyişməli və ekranın rəngini necə tənzimləməli
Smartfondan rahat istifadə etmək üçün istəyinizə uyğun olaraq ekran rejimini, rəng dərəcəsini və ağ rəng balansını tənzimləyə bilərsiniz.
Samsung Galaxy-də ekran rejimini necə dəyişməli
Ekran rejimini tənzimləməyə başlamazdan əvvəl uyğun təlimatı seçmək üçün cihazınızdakı Android versiyasına baxın.
Qeyd:
Bəzi tətbiqlər təyin olunmuş rejimdən asılı olmayaraq rənglərin əks olunması tənzimləmələrini dəyişə bilərlər.
Android 14-11 üçün:
Samsung Galaxy smartfonları aşağıdakı ekran rejimlərini dəstəkləyirlər:
- Dolğun rənglər — təzadlı və parlaq təsvirli rejim.
- Təbii rənglər — təbii, sönük rəngli rejim.
Addım 1. Tənzimləmələri açın, sonra Ekran bölməsinə keçin.
Addım 2. Ekran rejimi düyməsinə basın.
Addım 3. Uyğun gələn ekran rejimini seçin: dolğun və ya təbii rənglərlə.
Android 10-8 üçün:
Samsung Galaxy smartfonları aşağıdakı ekran rejimlərini dəstəkləyirlər:
- Uyğunlaşan ekran — bu rejimdə cihaz təsviri təhlil edir və optimal rejimi özü seçir.
- AMOLED lent — daha təzadlı rəngləri olan rejim.
- AMOLED foto — daha təbii rəngləri olan rejim..
- Əsa — daha tünd rəngləri olan rejim.
Addım 1. Tənzimləmələri açın, sonra Ekran bölməsinə keçin.
Addım 2. Ekran rejimi düyməsinə basın.
Addım 3. Uyğun gələn ekran rejimini seçin.
Samsung-Galaxy-də ağ rəng balansını necə dəyişməli
Siz ekranın rəng dərəcəsini tənzimləyə bilərsiniz: ağ rəng üçün daha soyuq və ya daha isti çalar seçmək olar.
- Sürüngəci sola doğru hərəkət etdirdikcə (Soyuq rənglər) mavi rəng çaları artacaq.
- Sürüngəci sağa doğru hərəkət etdirdikcə (İsti rənglər) qırmızı rəng çaları artacaq.
Həmin tənzimləmə yalnız Dolğun rənglər və Uyğunlaşan ekran rejimlərində əlçatandır.
Addım 1. Tənzimləmələr > Ekran > Ekran rejimini açın.
Addım 2. Dolğun rənglər ekran rejimini seçin.
Addım 3. Ağ rəng balansını dəyişmək üçün sürüngəci sağa və ya sola doğru hərəkət etdirin.
Samsung Galaxy-də ekranın çalarını necə tənzimləməli
Əgər sizə ekranda rənglərin daha dəqiq tənzimlənməsi lazımdırsa, ağ rəng balansını əlinizlə tənzimləyə bilərsiniz. Bunun üçün qırmızı, yaşıl və mavi rəngin dərəcəsini ayrı-ayrılıqda dəyişdirin.
Həmin tənzimləmə yalnız Dolğun rənglər rejimində əlçatandır.
Addım 1. Dolğun rənglər ekran rejimini quraşdırın.
Addım 2. Əlavə paramtrlərin üzərinə basın.
Addım 3. Qırmızı (R), yaşıl (G) və ya mavi (B) rəngin dərəcəsini tənzimləmək üçün sürüngəci hərəkət etdirin. Ekran çaları müvafiq şəkildə düzələcək.
Şərhiniz üçün təşəkkür edirik!
Bütün sualları cavablandırın.