Samsung Galaxy-nin əsas ekranına tətbiqi necə əlavə etməli
Siz ən sevdiyiniz tətbiqlərinizi və vidcetlərinizi əsas ekrana əlavə edə bilərsiniz. Bu, sizin telefonunuzu daha yaxşı təşkil olunmuş və naviqasiya üçün daha rahat vəziyyətə gətirəcək. Tətbiqləri Samsung Galaxy-nin əsas ekranında necə əlavə edilməli və yerləşdirilməli olduğu barədə aşağıda oxuya bilərsiniz.
Samsung Galaxy-də əsas ekran və bütün tətbiqlərin əks etdirildiyi ekran (menyu) var. Bütün tətbiqlərin əks etdirildiyi ekran, barmaqlarınızı smartfonun ekranının aşağısından yuxarısına doğru çəkdiyiniz zaman açılır.
Telefona quraşdırdığınız bütün yeni tətbiqlər bu menyuya düşür. Hər hansı bir tətbiqi əsas ekrana keçirmək istədiyiniz zaman aşağıdakı təlimat sizə bu işdə kömək edəcək.
Qeyd:
Növbəti hərəkətləri həyata keçirməzdən öncə, cihazınızın proqram təminatının (PT) və müvafiq tətbiqlərin son versiyaya qədər yenilənib-yenilənmədiyini yoxlayın: Tənzimləmələr > PT yeniləmələri > Endirmə və quraşdırma menyusuna daxil olun > Ekranda çıxan göstərişlərə riayət edin.
Tətbiqi əsas ekrana necə əlavə etmək olar
Addım 1. Barmağınızı ekranın aşağısından yuxarısına doğru çəkin, bütün tətbiqlərin əks etdirildiyi ekran açılacaq.
Addım 2. Siyahıda lazımı tətbiqi axtarıb tapın, onun ikonuna basıb saxlayın.
Addım 3. Çıxan menyuda Əsas ekrana əlavə et düyməsinə basın.
Addım 4. Tətbiqin ikonu iş masasında çıxacaq.
Əsas ekranda tətbiqin yerini necə dəyişmək olar
Addım 1. Yerini dəyişmək istədiyiniz tətbiqin ikonunun üzərinə basıb saxlayın.
Addım 2. Menyu çıxana qədər gözləyin. Daha sonra tətbiqin ikonunun yerini dəyişə bilərsiniz.
Addım 3. İkonu lazım olan yerə yerləşdirin.
Tətbiqi əsas ekranın başqa səhifəsinə keçirmək üçün tətbiqi ekranın lap kənarına yaxınlaşdırın. Digər səhifə qarşınıza çıxacaq.
Addım 4. Tətbiqin ikonunu buraxın –– indi həmin tətbiq iş masasında yeni yerdə yerləşmiş olacaq.
Əsas ekranda necə qovluq yaratmaq olar
İş masanızda çoxlu
- sayda tətbiqlər varsa,
- eyni tipli (məsələn, müxtəlif sosial şəbəkələr) tətbiqlər varsa,
- siz mahiyyətcə bir-biri ilə əlaqəli olan bir neçə tətbiqi (məsələn, iş üçün tətbiqləri)
müvafiq qovluqlara birləşdirib qruplara bölə bilərsiniz.
Addım 1. Qovluğa yerləşdirmək istədiyiniz ikonu basıb saxlayın.
Addım 2. Menyu çıxana qədər gözləyin. Daha sonra ikonu eyni qovluqda yerləşdiriləcək tətbiqin ikonu üzərinə gətirin.
Addım 3. İndi tətbiqlərin ikonları qovluğun içindədir. Həmin qovluğa bir ad qoyun və, onu tətbiq etmək üçün, OK düyməsinə basın.
Addım 4. Əsas ekranda tətbiqlərin ikonlarının göstərildiyi qovluq çıxacaq. Həmin qovluğa başqa tətbiqlər də əlavə etmək üçün onların ikonlarını qovluq ikonunun üzərinə gətirin.
Tətbiqi əsas ekrandan necə silmək olar
Addım 1. İş masasından silmək istədiyiniz tətbiqin ikonuna basıb saxlayın.
Addım 2. Menyu çıxana qədər gözləyin. Sil düyməsinə basın.
Addım 3. Tətbiq əsas ekrandan silinəcək, lakin bütün tətbiqlərin əks etdirildiyi menyuda qalacaq.
Qeyd:
Tətbiqlər ekranında hər hansı bir tətbiqi gizlətdiyiniz halda, onu əsas ekrana keçirmək mümkün olmayacaq.
Tətbiqləri gizlətmək və üzə çıxarmaq üçün tənzimləmələrdən istifadə edə bilərsiniz: Tənzimləmələr → Əsas ekran → Tətbiqləri gizlət.
Əsas ekranda ikonları necə təsbit etmək olar
Tətbiq işarələri və ya vidjetlərin yerinin dəyişməməsi üçün Əsas ekranın görünüşü bloklaşdırıla bilər. Bu, onların təsadüfən silinməsinin və sadəcə yerinin dəyişməsinin qarşısını alacaq.
Addım 1. Əsas ekranın boş bir sahəsinə basıb saxlayın.
Addım 2. Çıxan menyuda Tənzimləmələr düyməsinə basın.
Addım 3. Əsas ekranın kilidlənməsi bölməsini aktivləşdirin — düyməni sağ tərəfə doğru hərəkət etdirin.
Addım 4. İkonların yerini dəyişməyə çalışdığınız zaman əsas ekranın kilidləndiyi barədə bildiriş çıxacaq.
Qeyd:
Skrinşotlar və cihazın menyusu, cihazın modelindən və proqram təminatının versiyasından asılı olaraq, dəyişə bilər.
Şərhiniz üçün təşəkkür edirik!
Bütün sualları cavablandırın.