One UI 7.0 cihazında enerjiyə qənaət rejimini necə aktiv etmək olar
Enerjiyə qənaət rejimi enerji istehlakını azaltmaq məqsədilə bəzi funksiyaları deaktiv edərək, ya da məhdudlaşdıraraq cihazın işləmə müddətini artırır. One UI 7.0 (Android 15) cihazında enerjiyə qənaət rejimi tənzimləmələrinə üç yeni opsiya əlavə edilib:
- "Hərəkətlərin axıcılığı": "Standart" dəyər;
- Ekranı tutqunlaşdırmaq rejiminin işə salınması;
- Ekranın gözləmə müddətini təyin etmə: 30 saniyə.
Siz bu məqalədə enerjiyə qənaət rejimini necə işə salacağınız və onun yeni funksiyaları barədə ətraflı məlumat əldə edəcəksiniz.
One UI 7.0 cihazında enerjiyə qənaət rejimini necə aktiv etmək olar
1-ci addım. Tənzimləmələri açın və Cihaza qulluq bölməsinə keçin.
2-ci addım. "Batareya" bölməsinə keçin.
3-cü addım. Rejimin tənzimləmələrini açmaq üçün Enerjiyə qənaət bəndinin üzərinə basın. Rejimi tez aktivləşdirmək üçün sağdakı dəyişdiricidən istifadə etmək olar.
4-cü addım. Burada enerjiyə qənaət rejiminin opsiyalarını ətraflı surətdə tənzimləmək olar. Rejimi aktivləşdirmək üçün lazımi tənzimləmələri təyin etdikdən sonra Söndürülüb dəyişdiricisinin üzərinə basın.
One UI 7.0 cihazında enerjiyə qənaət rejiminin hansı yeni funksiyaları əlavə edilib
One UI 7.0 -də enerjiyə qənaət rejiminə üç əlavə tənzimləmə tətbiq edilib ki, onlar cihazın istifadə vaxtını artırmağa kömək edir. Onları aktiv və ya deaktiv etmək üçün hər funksiyanın qarşısındakı sürüngəcin üzərinə basın.
- "Hərəkətlərin axıcılığı": "Standart" ölçü —akkumulyatorun enerjisinə qənaət üçün ekranın yenilənmə tezliyi 120 Hs-dən 60 Hs-ə dəyişdirilir.
- Ekranın tutqunlaşması rejiminin aktiv edilməsi — enerjiyə qənaət rejimini yandıranda ekran tutqunlaşır.
- Ekranın gözləmə vaxtını təyin edin: 30 saniyə — əgər 30 saniyə ekrana toxunmasanız, o sönəcək və gözləmə rejiminə keçəcək.
Şərhiniz üçün təşəkkür edirik!
Bütün sualları cavablandırın.