Samsung Galaxy smartfonunda və ya planşetində necə skrinşot etmək olar
Samsung cihazlarında bir neçə üsulla ekranın şəklini çəkmək olar:
- cihazdakı düymələr vasitəsilə — bu, bütün Samsung Galaxy modelləri üçün universal metoddur
- ovucunuzla, S Pen qələmi ilə və ya köməkçi menyu vasitəsilə — bu üsulların mövcudluğu sizin Samsung Galaxy modelindən asılıdır.
Aşağıda Samsung Galaxy-də skrinşotun necə edilməli olduğu ilə bağlı üsullar qeyd olunur.
Ekran şəklinin yaradılması üçün universal üsullar
«Əsas səhifə» mexaniki düyməsi olmayan cihaz üçün üsul.
Bu üsul Əsas səhifə (aşağı hissədə ortada) mexaniki düyməsi olmayan Samsung smartfonları və planşetləri üçün keçərlidir.
Skrinşot etmək üçün eyni zamanda Səsazaltma və İşəsalma düymələrini basın. Bəzi modellərdə bu düymələri sadəcə eyni zamanda basmaq deyil, həmçinin, bir- iki saniyə basılı saxlamaq lazımdır.
«Əsas səhifə» mexaniki düyməsi olan cihaz üçün üsul.
Bu üsul Əsas səhifə (aşağı hissədə ortada) mexaniki düyməsi olan Samsung smartfonları və planşetləri üçün keçərlidir.
Skrinşot etmək üçün eyni zamanda Əsas səhifə və İşəsalma düymələrini basın və bir-iki saniyə basılı saxlayın.
Ekran şəklinin yaradılması üçün əlavə üsullar
Burada skrinşot etmək üçün əlavə üsullar təsvir olunur. Lakin onların istifadəsinin mümkünlüyü cihazınızın modelindən asılıdır. Bəzi funksiyalar mövcud olmaya da bilər. Bütün imkanlar haqqında məlumat əldə etmək üçün ox vasitəsilə təlimatları açın.
«Ovucunuzla skrinşot» funksiyası vasitəsilə skrinşotun necə edildiyini öyrənmək üçün basın
Qeyd olunan ilk iki üsuldan başqa, skrinşotu ovucunuzla da edə bilərsiniz, lakin bu funksiya bütün cihazlarda mövcud deyil. Daha ətraflı məlumat üçün aşağıdakı linkdə yerləşdirilən məqaləyə bax.
Köməkçi menyu vasitəsilə skrinşotun necə edildiyini öyrənmək üçün buraya keçin
Köməkçi menyu smartfonun ekranında bütün pəncərələrin üstündə əks olunan dairəvi düymədir. Bu menyudan aparat düymələrinin və jestlərinin alternativi kimi istifadə etmək olar. Onun köməyi ilə skrinşot etmək olar.
Param-lər > Xüsusi imkanlar > Əlaqə və cəldlik > Kömekçi menyu.
1. Köməkçi menyunu açmaq üçün onun üzərinə basın.
2. Skrinşot opsiyası mövcud deyilsə, oxun köməyi ilə menyunun növbəti səhifəsinə keçin.
3. Ekranın şəklini çəkmək üçün menyuda Qısayollar işarəsini tapın və onun üzərinə basın.
S Pen qələmi vasitəsilə skrinşotun necə edildiyini öyrənmək üçün buraya keçin
S Pen qələmi vasitəsilə skrinşotu iki üsulla etmək mümkündür:
- Kontekst komandalarının köməyi ilə
- Kontekst hərəkətlərinin köməyi ilə
Qeyd:
Funksiya kontekst hərəkətləri dəstəkləyən cihazlarda işləyir.
Kontekst komandalarının köməyi ilə necə skrinşot etmək olar
1. S Pen-i telefondakı qələm slotundan çıxarın və ya S Pen Pro/ S Pen Fold Edition qoşun. Ekranda qələmli işarə çıxacaq. Bu, kontekst komandalarıdır. Bu işarəni vurun
2. Skrinşot etmək üçün kontekst komandaları menyusunda Ekrana yazısı bölməsini seçin.
3. Şəklin hüdudlarını tənzimləmək üçün çərçivənin küncündən tutub dartın.
4. İşarənin köməyi ilə ekranın şəklini çəkin. Hazırdır!
Hava hərəkəti köməyi ilə necə skrinşot etmək olar
1. Param-lər açın və Qabaqcıl funksiyalar.
2. S Pen əlavəsinə keçin.
Шаг 3. Hava hərəkətləri bölməsini açın.
4. Funksiyanın aktiv olduğundan əmin olun və Qələm düyməsini basın saxlayın bölməsini seçin.
5. Ekrana yazısı işarəsini tapın və onun üzərinə basın.
İndi S Pen qələmindəki düyməni basıb saxladıqda, skrinşot etmək olar.
Kənar panellər vasitəsilə skrinşotun necə edildiyini öyrənmək üçün buraya keçin
Cihazınızda Kənar panellər tənzimləməsi mövcuddursa, onun köməyi ilə də skrinşot etmək mümkündür.
Qeyd:
Təəssüflər olsun ki, Kənar panellər bütün cihaz modellərində dəstəklənmir. Bu funksiyanın sizin cihaz modelinizdə istifadəsinin mümkün olduğundan əmin olmaq üçün aşağıdakı addımları yerinə yetirin.
1. Param-lər açın və Displey əlavəsinə keçin.
2. Kənar panellər və Əyri ekran bölməsini seçin.
3. Yan panel funksiyasının aktiv olduğundan əmin olun, sonra isə, Panellər bölməsini açın.
4. Ağıllı seçim seçin.
Kənar panellərdə ekran şəklini necə çəkmək olar
1. Markeri tutub sola çəkərək, Kənar panellər açın.
2. Standart skrinşot etmək istəyirsinizsə, paneldə Düzbucaqlını seçin. Yaxud, dairəvi skrinşot etmək üçün Ovalı seçin.
3. Şəklin hüdudlarını tənzimləmək üçün çərçivənin küncündən tutub dartın.
Шаг 4. Skrinşotun ölçüsünü müəyyən etdikdən sonra, Hazır düyməsinə basın.
5. İşarənin köməyi ilə ekranın şəklini çəkin. Hazırdır!
Ekran şəklinin çəkildiyini necə bilmək olar
Skirnşot hazır olduqdan sonra ekranın yuxarı sol küncündə xüsusi işarə çıxacaq — 
Ekran şəklini haradan tapmaq olar
Çəkdiyiniz skrinşotlara Qalereya və ya Mənim fayllarım tətbiqində baxa bilərsiniz. Onları Pictures/Screenshots və ya Pictures/ScreenCapture qovluğunda da tapa bilərsiniz.
Ekran şəklini necə paylaşmaq olar
Skrinşot hazır olduqdan sonra, onu ilkin baxış rejimində 
və ya «Qalereya» tətbiqində menyu vasitəsilə paylaşa bilərsiniz..
1. Qalereya tətbiqini açın və Qısayollar albomunu seçin.
2. Paylaşmaq istədiyiniz skrinşotu tapın və Paylaş düyməsinə basın.
3. Çıxan menyuda göndəriş üsulunu və ya skrinşotu göndərmək istədiyiniz tətbiqi seçin.
Heç bir üsul işə yaramadığı halda nə etmək lazımdır
Skrinşot edə bilmədinizsə, bir daha cəhd göstərin. Unutmayın: düymələri eyni zamanda basmaq lazımdır. İlk dəfədir skrinşot edirsinizsə, ola bilsin ki, yalnız üçüncü və ya dördüncü dəfədən bunu edə biləsiniz.
Heç bir üsul işə yaramadığı halda, ola bilər ki:
- Smartfonu və ya planşeti başqa istehsalçı istehsal edib, buna görə cihazın əməliyyat sistemi fərqlidir. Skrinşotun necə edildiyini öyrənmək üçün cihazınızın istehsalçısına müraciət edin;
- Smartfonda və ya planşetdə orijinal olmayan mikroproqram quraşdırılıb. Skrinşot etmək üçün mikroproqramın dəyişdirilməsi üçün Samsung servis mərkəzinə müraciət edin.
- Bu cihaz saxtadır. Saxta cihazlarda orijinal cihazların bir çox funksiyası işləmir.
Şərhiniz üçün təşəkkür edirik!
Bütün sualları cavablandırın.