Samsung Galaxy S25-də videodan kənar səsləri necə silmək olar
Səsin silinməsi funksiyası videonun səsinin redaktə edilməsi - lazımsız səslərin silinməsi və səslənmə keyfiyyətinin yaxşılaşdırılması üçün nəzərdə tutulub.
Galaxy AI videoda olan 6-dək kateqoriyada səsləri müəyyən edir: İnsan səsləri, Musiqi, Külək, Təbiət (dalğalar, quşlar və s.), Küy və İzdiham. Video redaktorunda kateqoriyaların hər birinə müvafiq piktoqramlı nişan qoyulacaq.
Videonun keyfiyyətindən və səs-küyün miqdarından asılı olaraq, göstərilən 6 kateqoriyaya daxil olmayan və ya bir neçə saniyədən artıq davam etməyən bəzi səslər müəyyən edilməyə bilər.
Əgər səsin mənbəyini dəqiq müəyyənləşdirmək mümkün deyilsə, o, "Küy" və ya buna bənzər səslənən digər bir kateqoriyaya aid ediləcək. Məsələn, dalğaların və ya yolun səsi oxşar qəbul edilib eyni kateqoriyaya düşə bilər.
Qeyd:
- Səsin redaktə edildiyi, azaldıldığı və ya dəfələrlə dəyişikliyə məruz qaldığı videolarda redaktor səsi müəyyənləşdirməkdə çətinlik çəkə bilər.
- Səslər aşkar edilərkən və kateqoriyalara bölünərkən video ardıcıllığı təhlil edilmir.
Videonun səsini redaktə etmək üçün aşağıdakı hərəkətləri icra edin:
1.Qalereya tətbiqini açın, videonu seçin və Redaktə nişanının üzərinə basın.
2. Səsin tənzimlənməsi nişanının üzərinə basın.
3. Səsin silinməsi düyməsini klikləyin.
4. Videoda müəyyən edilmiş səslərin kateqoriyalarının göstərildiyi panel açılacaq.
Siz hər bir kateqoriyadan olan səsin gurluğunu əllə redaktə edə, ya da avtotənzimləmədən istifadə edə bilərsiniz. Qulaq asmaq üçün taymerin yanındakı Start 
düyməsinə basın. Videoda sizə lazım olan yerə keçmək üçün taymerin altındakı müvəqqəti şkaladan istifadə edin.
Əllə redaktə etmə:
- Dəyişmək istədiyiniz səsin növünü seçin. Müvəqqəti şkalada sarı sahələr görünəcək - bunlar həmin səs növünün müəyyən edildiyi seqmentlərdir.
- Səsin gurluğunun qiyməti susmaya görə 0-dır.
• səsi azaltmaq üçün göstəricini şkala boyu soldan sağa doğru sürüşdürün (qiymətlər -100-dən -1-ə qədər);
• səsi artırmaq üçün göstəricini şkala boyu sağdan sola doğru sürüşdürün (qiymətlər 1-dən 100-ə qədər).
Avtomatik redaktə:
Səs kateqoriyalarından solda olan Auto düyməsinin üzərinə klikləyin. Videodakı səsə hansı dəyişikliklərin edildiyini öyrənmək üçün səs növlərinin hər birinin üzərinə basın:
- Əgər qiymət 0-a bərabərdirsə — səs dəyişilməyib.
- Əgər qiymət 1 - 100 aralığındadırsa — səs gurlaşıb.
- Əgər qiymət -100-dən -1 — ə qədərdirsə - səsin yüksəkliyi azaldılıb.
Dəyişiklikləri tətbiq etməkdən ötrü Hazır düyməsinə basın. Sonra Surəti yadda saxla üzərinə klikləyin. Yeni fayl Qalereyada orijinal videonun yanında görünəcək.
Şərhiniz üçün təşəkkür edirik!
Bütün sualları cavablandırın.