Samsung kondisioneri qoşulmursa, nə etməli

Son yeniləmə tarixi : 06-09-2024

Nə baş verir

Kondisioner nə məsafədən idarəetmə pultu, nə də korpusdakı düymə vasitəsilə qoşulmur.

Kondisioner işə düşmür

Səbəb

  • Pultdakı batareyalar bitib.
  • Kondisionerin çox yüklənmədən qorunma funksiyası var.
  • Evdə elektrik yoxdur və ya gərginliyin səviyyəsi qeyri-stabildir.
  • Kondisionerin elektrik kabeli və ya elektrik yuvası zədələnib.
  • Kondisioner xarab olub.

Nə etməli

1 Əgər kondisioner təkcə pultla qoşulmursa, çox güman, batareyalar bitib. Onları yeniləri ilə əvəzləyin və kondisioneri qoşmağı bir daha yoxlayın.

Mövzu üzrə:

2 Kondisioneri söndürüb-yandırın. Bunun üçün onu 1-2 dəqiqəliyinə elektrik yuvasından ayırın. Sonra kondisioneri qoşun və onu yandırmağa çalışın.
3 Bəzi kondisionerlərdə çox yüklənmədən qorunma funksiyası nəzərdə tutulub.
Bu funksiyalı kondisionerlər qoşulmalar arasında 3 dəqiqəlik ləngiməyə malikdir. İstifadəçi bələdçisində bu funksiyanın olub-olmamasını yoxlayın. Bələdçini Təlimatlar & yükləmələr bölməsində yükləmək olar.
Kondisioneri təkrar qoşmazdan əvvəl 3 dəqiqə, ya da bir qədər çox gözləyin.
4 Uzadıcı və aparatlardan istifadə etmədən kondisioneri birbaşa elektrik yuvasına birləşdirin.
Əgər o, iki və ya üçgözlü elektrik yuvasına qoşulubsa, ondan digər cihazları ayırın.
Uzadıcıdan istifadə etməyin Uzadıcıdan istifadə etməyin
Başqa cihazları elektrik yuvasından ayırın Başqa cihazları elektrik yuvasından ayırın
5 Kondisionerin kabeli, ştepsel çəngəli və elektrik yuvasının zədələnib-zədələnmədiyinə baxın.
  • Kondisionerin şəbəkə kabeli zədələnibsə (ştepsel çəngəli, ötürücü qırılıbsa) — onu dəyişdirmək üçün səlahiyyətli servis mərkəzinə müraciət edin.
  • Elektrik yuvası zədələnibsə — onu təmir etdirmək üçün elektrikə müraciət edin.
  • Əgər gözlə görünən zədə yoxdursa, növbəti bəndə keçin.
6 Elektrik yuvasını yoxlayın. Ona başqa avadanlıq, məsələn çaydan və ya fen qoşun.
  • Əgər başqa avadanlıq işləməsə — elektrik yuvası xarab olub, onu təmir etmək üçün elektrik çağırmaq zəruridir.
  • Əgər başqa avadanlıq işləsə, digər bəndə keçin.
7 Kondisioneri başqa elektrik yuvasına birləşdirin.
  • Əgər kondisioner işə düşsə, onun işləmədiyi elektrik yuvasını yoxlamaq üçün elektrik çağırın.
  • Əgər kondisioner işə düşmürsə — texnikanın təmiri tələb olunur. Onun diaqnostikası üçün səlahiyyətli servis mərkəzinə müraciət etməyi tövsiyə edirik.
Samsung Servis Mərkəzləri

Əlaqəli suallar

Şərhiniz üçün təşəkkür edirik!

ƏLAQƏ

Zəng edin

Ekspertlərimizdən biri ilə danışın
Daha ətraflı

Servis mərkəzləri

Məhsulunuzun zəmanət altında olub-olmamasından asılı olmayaraq, biz hər zaman kömək etməyə hazırıq.
Servis Mərkəzini tapın
Daha çox göstər