Si të veproj nëse bateria e telefonit të ri duket se shkarkohet më shpejt?
Konsumi dhe jetëgjatësia e baterisë ndryshojnë në varësi të shumë faktorëve, përfshirë këtu sa shpesh përdoret pajisja, sa aplikacione janë instaluar dhe përdoren, nëse ka probleme në sistemin operativ dhe çfarë lidhje me rrjetin përdoret. Rrjetet 5G mund ta shkarkojnë më shpejt baterinë, por telefonat Galaxy përdorin softuer të avancuar e të mbështetur në inteligjencën artificiale, për ta mbajtur në kontroll konsumin e baterisë në atë mënyrë që i përshtatet mënyrës si e përdorni ju vetë telefonin.
Përpara se të provoni rekomandimet e mëposhtme, verifikoni nëse softueri i pajisjes dhe të gjitha aplikacionet e lidhura janë përditësuar në versionin më të fundit. Për të përditësuar softuerin e pajisjes celulare, ndiqni këta hapa:
Hapi 1. Shkoni në Settings (Cilësime) > Software update (Përditësim softueri).
Hapi 2. Prekni Download and install (Shkarko dhe instalo).
Hapi 3. Ndiqni udhëzimet e paraqitura në ekran.
Bateria mund të konsumohet paksa më shpejt menjëherë pas blerjes
Mund të vini re se bateria e telefonit të ri duket se bie më shpejt në krahasim me pajisjen e mëparshme edhe pse e përdorni me të njëjtat kushtet pas blerjes.
Gjatë ditëve të para pas blerjes, përdoruesit zakonisht aktivizojnë shumë aplikacione dhe vendosin funksione të ndryshme për konfigurimin fillestar të pajisjes. Po ashtu, shpeshtësia e punës në sfond optimizohet gjatë së njëjtës periudhë. Prandaj edhe mund t’ju duket se koha e përdorimit të baterisë është më e shkurtër në krahasim me pajisjen e mëparshme.
Shërbimi 5G mund të konsumojë më shumë bateri
Kur lidhet me rrjetin 5G, telefoni mund të konsumojë më shumë bateri se zakonisht. Shërbimet e tanishme 5G zbatojnë standardin NSA (Non-Standalone)*, që përdor së bashku 4G (LTE) dhe 5G. Kjo do të thotë se qarqet 5G dhe 4G (LTE) përdoren njëkohësisht për përpunimin me shpejtësi të lartë të të dhënave me volum të madh.
Duke qenë se telefoni qëndron i lidhur me disa rrjete njëkohësisht, bateria mund të bjerë më shpejt se zakonisht dhe telefoni mund të ngrohet diçka më shumë se po të lidhej vetëm me një rrjet 3G apo LTE. Për ta kompensuar këtë, mund të përdorni funksione që e optimizojnë dhe rritin performancën e përgjithshme të telefonit.
* NSA(Non-Standalone): Faza e përhapjes së rrjeteve dhe pajisjeve 5G do të bëhet me standardin NSA (shfrytëzim jo i veçuar), që do të thotë se rrjetet 5G do të mbështeten nga infrastruktura ekzistuese 4G. Në këtë mënyrë, pajisjet që punojnë me 5G do të lidhen me frekuencat 5G për internetin gjatë gjithë kohës, por do të përdorin rrjetin 4G për funksione të tilla që nuk kanë të bëjnë me të dhënat por me funksione të tjera si lidhja me stacionet bazë apo me serverët.
Shënim: Nëse ju duket se pajisja është nxehur shumë, mos e përdorni një copë herë dhe prisni të ftohet.
Si ta optimizoni baterinë e telefonit
Nëse doni t’ia rritni jetëgjatësinë baterisë së telefonit apo nëse ju duket se bateria bie shpejt, mund ta optimizoni telefonin në përgjithësi, të menaxhoni energjinë e përdorur nga aplikacionet dhe të optimizoni aplikacionet e veçanta. Mund ta zvogëloni konsumin e baterisë me mënyrat e mëposhtme.
Mund ta optimizoni telefonin duke përdorur funksionin e Kujdesit për pajisjen për ta zvogëluar konsumin duke mbyllur aplikacionet e papërdorura dhe duke mbajtur nën kontroll përdorimin anormal të baterisë. Ndiqni hapat e mëposhtëm.
Hapi 1. Hapni Cilësimet dhe pastaj përzgjidhni Battery and device care (Kujdesi për baterinë & pajisjen).
Hapi 2. Prekni Optimize now (Optimizo tani). Kujdesi për pajisjen e optimizon automatikisht telefonin.
Ky funksion i shpejtë optimizimi e rrit performancën e pajisjes me këto veprime të mëposhtme.
- Mbyll aplikacionet që janë hapur në sfond.
- Menaxhon përdorimin anormal të baterisë.
- Kontrollon se mos ka bllokim softueri apo malware.
Përdorimi i funksionit të optimizimit automatik
Mund ta konfiguroni pajisjen të kryejë optimizim gjatë kohës kur pajisja nuk përdoret. Prekni Opsione të tjera > Automation (Automatizimi) > Auto optimize daily (Automatizo auto përditë) dhe prekni çelësin përbri për ta aktivizuar.
Sa më shumë aplikacione të papërdorura të jenë hapur në sfond, aq më shumë energji përdoret nga bateria. Mund të vendosen kufizime të përdorimit në sfond për ta zvogëluar konsumin e baterisë. Ndiqni hapat e mëposhtëm.
Mund përzgjidhni nga këto cilësime:
- Put unused apps to sleep (Vendos në gjumë aplikacionet e papërdorura) që i vendos në gjendje pasive aplikacionet nëse nuk përdoren pas njëfarë kohe.
- Sleeping apps (Aplikacionet e përgjumura) ju jep mundësi të përzgjidhni aplikacionet që dëshironi të jenë të hapura në sfond. Këtu mund të shihni edhe listën e aplikacioneve të tilla të vendosura në gjendje pasive.
- Deep sleeping apps (Aplikacionet në gjumë të thellë) janë ato që nuk qëndrojnë kurrë në gjendje aktive në sfond dhe aktivizohen vetëm kur i hapni ju vetë.
- Never sleeping apps (Aplikacionet që nuk vihen kurrë në gjumë) ju jep mundësi të vendosni ju vetë se cilat aplikacione nuk mund të kalojnë automatikisht në gjendje pasive.
Mund të optimizoni aplikacione të veçanta për të përdorur më pak bateri. Ndiqni hapat e mëposhtëm.
Shënim:
- Aplikacionet e optimizuara përdorin më pak bateri, por kjo kufizon disa funksione në sfond.
Mësoni më shumë për baterinë Galaxy Battery, me Mbështjetjen Samsung.
Shënim:
- Jetëgjatësia e baterisë ndryshon sipas kushteve të rrjetit, funksioneve dhe aplikacioneve të përdorura, shpeshtësisë së thirrjeve dhe mesazheve, numrit të ngarkimit të baterisë dhe shumë faktorëve të tjerë.
- Pamja e ekranit të pajisjes dhe menyja mund të ndryshojë në varësi të modelit të pajisjes dhe të versionit të softuerit.
Faleminderit për komentin tuaj
Përgjigjju të gjitha pyetjeve.
Kontakt
Bisedë e drejtpërdrejtë
![Messenger]()
![Messenger]()
Hënë-Premte | 09-18h dhe 19-08h
Mbështetje WhatsApp
![WhatsApp]()
![WhatsApp]()
Hënë - të Premte | 09-18h
Code to Open Chat Window