Si lidhet smartphone-i tuaj Galaxy me një makinë duke përdorur Android Auto

Para se të provoni rekomandimet e mëposhtme për zgjidhjet tuaja, sigurohuni që të kontrolloni nëse programi i pajisjes suaj dhe aplikacionet e lidhura janë përditësuar me versionin e fundit. Ju lutemi kontrolloni se si të përditësoni programet e aparatit tuaj mobile në renditjen vijuese.

Hapi 1. Shkoni tek Settings > Software update.
Hapi 2. Klikoni Download and install.
Hapi 3. Ndiqni udhëzimet në ekran.

Lidhni telefonin tuaj me ekranin e makinës. Aplikacioni Android do të shfaqet menjëherë. Mund të klikoni për të parë drejtimet e udhëtimit ose mesazhet me komandë me zë. Ju gjithashtu mund të telefononi mikun tuaj pa përdorur duart. Android Auto ju ndihmon të përqendroheni në drejtimin e makinës dhe të argëtoheni duke drejtuar makinën. Lidhni telefonin tuaj dhe filloni.

Çfarë mund të bëni me Android Auto

• Navigimi
• Aplikacioni muzikor
• Telefonata dhe mesazhe SMS
• Asistenti Google

Si lidhet telefoni Galaxy me makinën

Hapi 1. Kontrolloni makinën

• Kontrolloni automjetin tuaj nëse automjeti ose stereoja janë të përputhshëm me Android Auto.
• Sigurohuni që Android Auto është aktivizuar në konfigurimet e e automjetit tuaj. Konsultohuni me manualin e automjetit tuaj ose kontaktoni prodhuesin nëse keni nevojë për ndihmë të mëtejshme me të. 
• Në disa automjete, mbështetja e Android Auto është shtuar në një përditësim. Nëse makina juaj renditet si një model i mbështetur, por Android Auto nuk po punon, provoni të përditësoni sistemin tuaj të informacionit dhe të vizitoni shitësin tuaj lokal. Konsultohuni me manualin e automjetit tuaj ose kontaktoni prodhuesin nëse keni nevojë për ndihmë të mëtejshme me të.

Hapi 2. Kontrolloni telefonin tuaj

• Nëse telefoni juaj përdor Android 10, nuk ka nevojë të shkarkoni Android Auto veçmas. 
• Nëse telefoni juaj përdor Android 9 ose më të ulët, duhet të shkarkoni Android Auto nga Play Store. 
• Lidhja juaj e telefonit duhet të lejojë transferimin e të dhënave që Android Auto të funksionojë. Kur aparati juaj është i lidhur përmes një kabllo USB, kaloni gishtin mbi ekran nga lart poshtë dhe klikoni mbi njoftimin nga sistemi Android. Zgjidhni opsionin që lejon transferimin e skedarit.

Hapi 3. Lidhja dhe aktivizimi 

• Lidhja midis Android Auto dhe automjetit është e mundur duke përdorur një kabllo Bluetooth ose USB dhe mënyra e lidhjes mund të ndryshojë në varësi të automjetit dhe prodhuesit.
• Kontrolloni nëse Android Auto shfaqet në ekran. 
• Ndërsa shumica e kabllove USB duken të ngjashme, mund të ketë ndryshime të mëdha sa i përket cilësisë së tyre dhe shpejtësive të karikimit. Android Auto kërkon një kabllo USB me cilësi të lartë që është e aftë të mbështesë transferimin e të dhënave. Nëse është e mundur, përdorni kabllon origjinale që ka ardhur me pajisjen tuaj.

Nëse po shihni sjellje të pazakontë në celularët, tabletat ose aksesorët e Samsungut, ju mund të na dërgoni një pyetje në aplikacionin Samsung Members.

Kjo na lejon të shohim nga afër atë që po ndodh. Të dhënat anonimizohen dhe mbahen vetëm gjatë kohëzgjatjes së hetimit. Mësoni më shumë rreth dërgimit të një raporti gabimi përmes 'Si përdoret aplikacioni Samsung Members'.