Si t’i zgjidhni problemet e aplikacionit të kamerës

Nëse në ekran ju shfaqet mesazhi “Camera failed” (Kamera nuk punon) ose nëse pajisja ngrin ose ngadalësohet gjatë përdorimit të aplikacionit të kamerës, ju lutemi, ndiqni udhëzuesin e mëposhtëm për ta zgjidhur problemin.

Përpara se të provoni rekomandimet e mëposhtme, verifikoni nëse softueri i pajisjes dhe të gjitha aplikacionet e lidhura janë përditësuar në versionin më të fundit. Për të përditësuar softuerin e pajisjes celulare, ndiqni këta hapa:

Hapi 1. Shkoni në Settings (Cilësime) > Software update (Përditësim softueri).

Hapi 2. Prekni Download and install (Shkarko dhe instalo).

Hapi 3. Ndiqni udhëzimet e paraqitura në ekran.

Nëse provoni të bëni fotografi ose video me aplikacionin e kamerës por ky mbyllet vetiu ose në ekran ju shfaqet mesazhi “Camera failed” (Kamera nuk punon), këtë problem mund ta zgjidhë vendosja e aplikacionit në vlerat nistore. Ju lutemi, ndiqni hapat e mëposhtëm.

Nëse pajisja vijon të jetë e ngadaltë ose të ngrijë edhe pasi i keni bërë reset aplikacionit të kamerës, provoni t’i bëni rindezje të detyruar pajisjes, për ta zgjidhur problemin.