Çfarë është ekrani i palosshëm dhe qesja mbrojtëse në smartfonin tim?

Smartfonët e palosshëm Samsung përdorin ekrane të pajisur me ekrane Infinity Flex Display dhe xham ultra të hollë që mund të paloset pa e dëmtuar pajisjen.

Ekrani i palosshëm Samsung është i pajisur me qese mbrojtëse, shtresë mbrojtëse dhe xham ultra të hollë për të optimalizuar ngjyrat e gjalla të ekranit AMOLED,  raportin e kontrastit dhe riprodhimin e ngjyrës, secila me karakteristikat e mëposhtme:

• Qese mbrojtëse: E vendosur mbi shtresën e sipërme të ekranit, e ndihmon këtë të fundit të përballojë presionin intensiv dhe është e zëvendësueshme.
• Shtresë mbrojtëse: E vendosur mbi xhamin ultra të hollë, për të ndihmuar kundër rezistencës nga jashtë, redukton ndikimin e goditjeve dhe parandalon fragmentimin e ekranit.
• Xhami ultra i hollë: Xhami i hollë që ofron një sipërfaqe të sheshtë dhe përmirëson qëndrueshmërinë e pajisjes në ekranin e palosshëm.
• AMOLED: Çdo piksel lëshon dritën e vet, duke mundësuar reagim të shpejtë, riprodhueshmëri të shkëlqyer të ngjyrës dhe qartësisë, me një ekran të hollë.

• Ekrani i palosshëm ka disa përkulje të lehta në varësi të këndit, me një xham të hollë fleksibël dhe një qese për funksionimin e palosjes. Në pjesën e palosur në qendër të ekranit mund të dallohen rrudha.
• Kur ka një goditje të fortë nga jashtë, në ekran mund të shfaqen pika ose vija të zeza/të bardha.. Ky mund të jetë një dëmtim vizual që shfaqet brenda ekranit, në formën e pikave pjesërisht të zeza, ndriçimit automatik të ekranit ose krisjeve të ekranit.
• Bëni kujdes që të mos e goditni ekranin nga jashtë, pasi goditja e xhamit ultra të hollë ka shumë mundësi të kriset apo të thyhet, gjë që mund të përhapet edhe në pjesët përreth duke shkaktuar shfaqjen e një vize të bardhë gjatë palosjes së pajisjes.

Kur përdorni pajisje të palosshme, përpiquni të shmangni:

• Hedhjen e produktit në dysheme.
• Shtypjen e pjesës ku paloset ekrani, ose palosjen e ekranit me objekte të huaja, si karta, çelësa, rërë, pluhur metali etj.
• Shtypjen e ekranit me objekte të ndryshme, si stilolapsa, thonj, çelësa etj. ose hedhjen e objekteve direkt mbi ekran.
• Vënien e gishtit midis ekraneve kur hapni pajisjen.

Qesja mbrojtëse e ngjitur në ekranin e palosshëm është një produkt i konsumueshëm. Pas një periudhë të caktuar, qesja mbrojtëse mund të pësojë gërvishtje, flluska dhe shkëputje, si pasojë e konsumimit normal.

Në disa raste, dëmtohet vetëm qesja mbrojtëse. Pajisja mund të përdoret pa problem, duke zëvendësuar qesen mbrojtëse. Kontaktoni shërbimin call center për të marrë një udhëzues për zëvendësimin e qeses suaj mbrojtëse.

Bëni kujdes pasi paneli mund të dëmtohet nëse ngjitni ose hiqni qesen mbrojtëse. Rekomandohet që telefonin ta përdorni gjithmonë me qesen mbrojtëse të ngjitur. Nëse përdorni një qese mbrojtëse që nuk është certifikuar zyrtarisht nga Samsung, ekrani mund të duket i shtrembëruar, ose mund të ndikohet performanca.