Si mund ta përdor funksionin e vetëpastrimit të kondicionerit të ajrit?

Funksioni i vetëpastrimit pengon rritjen e mikroorganizmave të dëmshme duke eliminuar lagështinë brenda pajisjes së brendshme. Ky funksion pengon ndryshkjen e bobinës së avulluesit. Aktivizojeni këtë funksion për të pasur një ajër më të pastër dhe më të shëndetshëm. Përdorimi i vetëpastrimit varet vetëm nga përdoruesi dhe nga shpeshtësia e përdorimit. Ju rekomandojmë ta përdorni rregullisht funksionin e vetëpastrimit.

• Nëse është ndezur funksioni i vetëpastrimit, në pajisjen e brendshme shfaqet kodi Cl.
• Kur fiket kondicioneri, vetëpastrimi punon për 10 minuta (në disa modele për 15-30 minuta).
• Paneli i indikatorëve i pajisjes së brendshme tregon progresin e pastrimit (nga 1 deri në 99%). 
  
• Pas vetëpastrimit, kondicioneri fiket automatikisht.
  

Kur vendosni funksionin e vetëpastrimit, ai fillon menjëherë kur fikni kondicionerin. Nëse filloni një funksion ndërkohë që është duke u bërë vetëpastrimi, funksioni i vetëpastrimit rikthehet në pozicionin nistor dhe rifillon nga e para kur ndalon ose përfundon funksioni tjetër që keni aktivizuar.

Hapi 1. Mbani të shtypur butonin “Options” (Opsione) për 3 ose më shumë sekonda. 

Hapi 2. Përdorni butonin me shigjeta (majtas ose djathtas) për të përzgjedhur funksionin “Clean” (Pastrim) në ekranin e pultit të komandimit. 

Hapi 3. Klikoni butonin “Settings” (Cilësime) për të konfirmuar përzgjedhjen.

Shënim:

• Pamja faktike e pultit të kontrollit (telekomandës) mund të ndryshojë në varësi të modelit që keni.
  
• Kjo pamje është thjesht një shembull në gjuhën angleze por ekziston edhe në gjuhën e vendit tuaj.